Đĭ pơhiăp amăng mông ngă lơphet, Kơ-iăng khua dêh čar ơi Nguyễn Hoà Bình lăi pơtong, tơlơi truh kih mơng VSIP Quảng Ngãi lĕ sa tơlơi kơđŏm glăi, pơƀuh sit nik brơi kơ bruă gum pơgôp prong amăng pơđĭ kyar bơwih ƀong huă mơnuih mơnam amăng tơring čar Quảng Ngãi.

Kiăng akŏ bruă tuh pơ alin man pơdong hăng bơwih ƀong sĭ mơdrô anih anom kual tuh tia pơkra ming VSIP II Quảng Ngãi dưi pok pơhai djơ̆ hrơi mông hăng ba glăi boh tŭ yua tui tơlơi čang rơmang, kơ-iăng khua dêh čar rơkâo grup Sembcorp hăng Becamex tŏ ngă tui klă hơbô̆ bruă hơdôm kual tuh tia pơkra ming, plơi prong hăng anih bơwih bơwang; git gai tuh pơ alin, pơđĭ kyar kual tuh tia pơkra ming VSIP II Quảng Ngãi ngă tui kual tuh tia pơkra ming rơgơi, pơplih phrâo hăng hơđong kjăp anăp nao pơjing anih anom tuh tia pơkra ming-pơplih pơčeh phrâo-plơi prong-anih bơwih bơwang-yua boh thâo phrâo; laih dong, pơsit bruă tuh tia pơkra ming kiăng pơhlôm pơđĭ kyar lăp djơ̆ hăng mơnuih mơnam, anih anom hăng pơđĭ kyar bơwih ƀong huă rơgơi brơi ƀon lan.