Đĭ pơhiăp amăng mông ngă lơphet, Khua git gai pơ ala mơnuih ƀôn sang dêh čar rơkâo, sang hră pơtô bruă prăk kak anăm pơdơi pơplih phrâo amăng pơtô gưl prong pơlir hăng pran gơgrong mă pô lăi pơthâo mơnuih mơmam, jing sa amăng hơdôm anih ba jơlan hlâo, ngă tui gơgrong pơtô gưl prong tŭ yua hloh, sit biă ñu lĕ gơgrong mă prăk kak.

Lăi pơtong, “Mơnuih rơgơi lĕ kông ngăn yôm kơ lŏn ia”, mơnuih mă bruă lĕ ƀing mơnuih yôm phăn hloh, amra pơtrut pơđĭ kyar amăng sang hră, Khua git gai pơ ala mơnuih ƀôn sang dêh čar rơkâo sang hră pơtô bruă prăk kak hơmâo hơdră bruă pơplih tŏ ngă tui gru grua hiam klă, pơjing sang hră jing sa amăng hơdôm anih phun đơ đam dêh čar amăng “pơhưč mơnuih rơgơi, pơtô pơhrăm brơi, pơđĭ kyar mơnuih mă bruă rơgơi”. Ƀrô tal anai, pơ ala brơi khua mua Ping gah, Kơnuk kơna, Khua git gai pơ ala mơnuih ƀôn sang dêh čar Vương Đình Huệ jao brơi ƀing nai pơtô hăng čơđai hrăm hră miđai mă bruă mrô I (tal 3).