Mơnuih ƀôn sang ruah khua lăng yôm jơlan hơdră bruă mă mơng ƀing tơbiă anăn ruah ngă Khua pơ ala mơnuih ƀôn sang dêh čar tal XVI, čang rơmang ƀing khua mua amra pơ ala brơi tơlơi rơkâo, tơlơi čang rơmang mơng mơnuih ƀôn sang hăng ngă tui djơ̆ tơlơi ƀuăn tơdơi kơ dưi ruah ngă khua. Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, khua mua kiăng gơgrong kiăo tui lăng mơnuih ƀôn sang ruah khua hăng mơnuih mơnam hluai tui boh than ba glăi sit nik; kơdrưh ang mơng Ƀirô Khua pơ ala mơnuih ƀôn sang dêh čar pok phun mơng mơnuih ƀôn sang hăng kiăng djru brơi mơnuih ƀôn sang.

Ñu ƀuăn tơdah hơmâo arăng dong yua amra ngă tui djop jơlan hơdră hơmâo ba tơbiă, lăi pơthâo na nao, pơthâo ƀơi anăp mơnuih ƀôn sang, lăng tơlơi dưi mơnuih ƀôn sang prong hloh, lăng pran đăo gơnang mơng mơnuih ƀôn sang lĕ tơlơi glăm ba kiăng gir run pơgiong klă ƀiă dong.