Đĭ pơhiăp pơđut mông mă bruă, Khua git gai pơ ala mơnuih ƀôn sang dêh čar ơi Trần Thanh Mẫn tŭ ư hăng bruă pơmut dua khul git gai jing sa; pơtă Khul git gai kiăng kiăo tui lăng bruă mă, anăm brơi bruă ngă kaih; laih dong pơsit tong bruă jao mơng rĭm čô mơnuih, khul grup, khut khăt ngă tui tơlơi črâo trun hlơi ƀu mut hrŏm, ƀu ngă djơ̆ tơlơi rơkâo kơ bruă pơplih mrô amra dong ha bơnah.

Kơ boh than ngă tui bruă pơphun “Pơtô mơnuih ƀôn sang yua boh thâo phrâo-Khua pơ ala mơnuih ƀon sang dêh čar mrô”, Khua git gai pơ ala mơnuih ƀôn sang rơkâo kiăng ngă lar hyu djop anih anom kơđi čar lơm hơmâo djop tơlơi gal; hrŏm hăng anun, tŏ tui pok pơhai hơdôm pok hră pơ-ar črâo ba mă yua boh thâo phrâo brơi mơnuih apăn bruă amăng Ƀirô khua pơ ala mơnuih ƀôn sang kiăng pơhlôm brơi boh thâo dưi ngă yua sit nik.