Khua git gai pơ ala mơnuih ƀôn sang dêh čar ơi Trần Thanh Mẫn nao čuă, ƀơk gơnam brơi hơdôm boh sang anŏ tui hơdră djru, ƀing mơnuih tơnap tap amăng tơring čar Hậu Giang ƀrô bơyan prap čơkă thun phrâo tui phiăn juăt Ất Tỵ 2025. 350 anung gơnam Tết hơmâo Khua git gai pơ ala mơnuih ƀôn sang dêh čar ơi Trần Thanh Mẫn hăng grup hyu mă bruă hơmâo ƀơk brơi hơdôm boh sang anŏ, ƀing kông ñơn hăng mơnuih djuai ania ƀiă amăng tơring glông Châu Thành A hăng Phụng Hiệp, pơdah tơlơi đing nao, bơwih brơi mơng Ping gah, kơnuk kơna hăng ƀing mơnuih tơnap tap, sit biă ñu lĕ amăng bơyan čơkă thun phrâo.

Khua git gai pơ ala mơnuih ƀôn sang dêh čar tŭ yap, pơpŭ hơdôm boh ƀon lan amăng tơring čar hơmâo ngă klă bruă djru brơi mơnuih mơnam, amăng anun tơring glông Châu Thành A, mah dŏ lu tơnap tap samơ̆ hơmâo jak iâu gum pơgôp man pơdong 185 boh sang gum pơgôp, djru brơi giăm 2.500 anung gơnam tết brơi ƀing mơnuih tơnap tap hăng abih tih nua ñu rơbêh 1,5 klai prăk.