Anai lĕ bruă mă yôm phăn sit nik kiăng pơlir hơbit, pơtô pơjuăt, pơsur pran ƀing hlăk ai, laih dong ba glăi pran đăo gơnang, hur har ngă bruă brơi ƀing hlăk ai hlâo kơ nao ngă tơhan. Tal anai, să Đông Thạnh hơmâo 120 čô hlăk ai hơmâo ĕp pơmut nao ngă tơhan. Sit biă ñu, să hơmâo 2 čô mơnuih Ping gah hlăk ai hăng 1 čô đah kơmơi hơmâo ngă hră nao ngă tơhan.

Pơ ala brơi Khul ĕp pơmut nao ngă tơhan să, Khua Jơnum min mơnuih ƀôn sang să Đông Thạnh Nguyễn Mậu Phương Quỳnh pơpŭ ƀing hlăk ai amăng să Đông Thạnh nao ngă tơhan hăng pran jua đăo gơnang, pơdah pran kơtang; tŏ tui gru grua plơi pla, tŏ tui hơdôm tơlơi hing ang mơng rơnuk anong met wa; pơgiong bruă jao mơng ling tơhan mơnuih ƀôn sang ngă hơkrŭ.