Khua git gai pơ ala mơnuih ƀôn sang dêh čar ơi Trần Thanh Mẫn nao ngă lơphet pok man pơkra ming ară jơlan mrô 1A ƀơi Hà Nội
Thứ tư, 08:14, 20/05/2026
VOV/Siu Đoan Pơblang
VOV/Siu Đoan Pơblang
VOV.Jarai-Lơ 19/5, Khua git gai pơ ala mơnuih ƀôn sang dêh čar ơi Trần Thanh Mẫn nao ngă lơphet pơkra ming Akŏ bruă Jơlan mrô 1A pơlir hăng bruă pơkra ming, dưm dăp plơi prong mơng ară jơlan ter mrô 1 truh pơ jơlan tơkuh nao rai Cầu Giẽ, Hà Nội.
Ară jơlan anai glông rơbêh 36 km, găn nao 18 boh phường, să mơng Hà Nội, hăng abih tih prăk tuh pơ alin giăm 162.000 klai prăk. Ară jơlan anai prong 90 met, hơmâo 16 glông rơdêh đuăi nao rai. Tui tơlơi pơkă, ară jơlan anai amra pơkra giong amăng thun 2027, pơgôp ngă pơgiong ară jơlan amăng plơi prong jưh jom tui tơlơi pơkă sui pơ anăp.
Akŏ bruă anai pơdah tơlơi gir run ngă pok phư hĭ hơdôm anih gun kơ anih anom, jơlan glông, ngă pơtrut pơđĭ kyar kual gah Dơnung Hà Nội, pok prong ƀôn prong hăng pơtrut hơdôm bruă bơwih bơwang, sĭ mơdrô hăng logistics.
Viết bình luận