Đĭ pơhiăp amăng mông ngă lơphet pok pơphun, Khua IPU Tulia Ackson pơdah tơlơi bơngô̆t kơ bruă ƀu bơkơnar jai kơtang tui, kah hăng pơhŭi hlâo kơ bruă ayuh hyiăng pơplih sat hăng hơdôm tơlơi sat răm brơi ană mơnuih kơñ pơgi. Ñu pơsit tong tơlơi gơgrong phun mơng Ƀirô Khua pơ ala mơnuih ƀôn sang amăng bruă pơjing pran mut hrŏm, čung ba hơdră bruă hăng pơjing hơdôm hơdră pơsir amăng rŏng lŏn tơnah, laih dong iâu pơthưr djop Ƀirô Khua pơ ala mơnuih ƀôn sang kiăng pơsit tlâo jơlan gah yôm phăn anun lĕ: pơtrut mut hrŏm abih bang, pơlăi nao rai hăng ngă bruă sui pơ anăp yua kơ tơlơi hơdip kơñ pơgi, mơng anun hơkrŭ tui glông jơlan djop bơnah hăng Sang gum hơbit djop dêh čar gơgrong phun.

Jơnum IPU-152 amra pơphun dong mơng lơ 15-19/4. Tui jơlan hơdră bruă mă, Khua git gai pơ ala mơnuih ƀôn sang dêh čar ơi Trần Thanh Mẫn amra đĭ pơhiăp amăng jơnum bơkơtuai hrŏm.