Akŏ bruă anai glông 48,4 km, hơmâo man pơkra tui hơnong pơkă jơlan gưl III hăng IV kual čư siăng. Jơlan rơhaih 9 met, hơmâo tuh ƀêtong kơsu hăng ƀêtông simăng. Akŏ bruă anai mă yua mơng ngăn drăp Kơnuk kơna giăm 2.000 klai prăk hăng ngă drăp ƀon lan giăm 350 klai prăk. Anih man pơkra ƀơi hơdôm boh să Ba Tơ, Ba Tô, Ba Dinh, Ba Vì hăng Kon Plông, tơring čar Quảng Ngãi. Hrơi blan amra ngă him lăng dong mơng thun 2026 truh thun 2028.

Glông jơlan anai čang rơmang amra tơkuh nao rai kual yŭ tơring čar Quảng Ngãi hăng hơdôm boh tơring čar ter hang ia rơsĭ Dơnung tong krah laih dong kual Dap kơdư, tơkuh nao rai hơdôm kual bơwih ƀong huă, tơdrun kompăn pơprong anun lĕ Chu Lai, Dung Quất; laih dong pơtrut pơƀuh nao rai gru grua, pơđĭ kyar tuai čuă ngui amăng hơdôm kual Măng Đen, bah amăng jang jar kmar Bờ Y.