Tŭ jum Khua anih jưh pơ ala dêh čar Kur Chea Kimtha, Khua git gai pơ ala mơnuih ƀôn sang dêh čar ơi Trần Thanh Mẫn hăng Khua anih jưh Chea Kimtha hok mơ-ak lơm ƀuh, tơlơi ngă hrŏm bơwih ƀong huă tŏ tui lĕ tơlơi bơngač hăng rơnoh sĭ mơdrô dua bơnah thun 2025 rơbêh 11 klai đôlar Mi, đĭ giăm 12% pơhmu hăng thun 2024; brơi thâo tơlơi dưi ngă hrŏm bơwih ƀong huă kơplah wah dua boh dêh čar ăt dŏ prong biă mă, kiăng tŏ tui pơtrut kơtang ngă hrŏm sit nik hăng ba glăi tŭ yua ƀiă dong, gir run ba rơnoh sĭ mơdrô dua bơnah tañ truh 20 klai đôlar Mi kar hăng khua mua dua bơnah ba tơbiă.

Tŭ jum Khua anih jưh pơ ala dêh čar Mi Marc Knapper, Khua git gai pơ ala mơnuih ƀôn sang dêh čar ơi Trần Thanh Mẫn pơsit tong Ƀirô Khua pơ ala mơnuih ƀôn sang dêh čar Việt Nam amra gum hrŏm kjăp hăng Ƀirô Khua pơ ala mơnuih ƀôn sang dêh čar Mi kiăng pơgiong tơhnal pơkă pơhlôm gêh gal brơi ngă hrŏm dua bơnah, ngă atur kiăng hơdôm hơdră ngă hrŏm kơplah wah dua bơnah hơmâo pok pơhai tŭ yua, hơđong kjăp.