Khua git gai pơ ala mơnuih ƀôn sang dêh čar ơi Trần Thanh Mẫn hok mơak bưp glăi Khua pơ ala mơnuih ƀôn sang gơnong yŭ dêh čar Uzbekistan Nuriddin Ismoilov, ƀơi Hà Nội; brơi thâo ăt djă pioh tơlơi pơmin hiam amăng pran jua ñu kơ tal nao čuă sit nik dêh čar Uzbekistan hăng pơhmư̆ Jơnum khua mua tal 150 Khul khua pơ ala mơnuih ƀôn sang rŏng lŏn tơnah (IPU-150) blan 4 rơgao, biă ñu lĕ mông jơnum bơkơtuai sit nik, tŭ yua hăng Khua pơ ala.

Khua git gai pơ ala mơnuih ƀôn sang hok mơ-ak hăng lăng yom biă kơ bruă ơi Nuriddin Ismoilov ba jơlan khua mua pơ ala mơnuih ƀôn sang gơnong yŭ Uzbekistan nao pơhmư̆ mông Kĭ hră ƀuăn Sang gum hơbit djŏp dêh čar kơ pơkơdong mơnuih ngă soh amăng plang internet ƀơi Việt Nam, pơdah tơlơi ƀuăn kjăp kơtang mơ̆ng Uzbekistan hrŏm hăng jar kmar pơkơdong glăi tơlơi soh phrâo hăng hŭi rơhyưt anai.