Amăng mông bưp, dua bơnah pơsit tong thun 2025 lĕ thun hơmâo lu tơlơi yôm amăng gru grua rĭm boh dêh čar hăng amăng tơlơi rô nao rai dua bơnah; dua bơnah hơmâo mut hrŏm lu bruă mă hăng ngă lơphet hơdor glăi yôm phăn mơng dua bơnah; gum hrŏm pơphun lu bruă mă kiăng pioh hơdor glăi 75 thun hrơi akŏ pơjing tơlơi rô nao rai pơtom hiăp kơplah wah dua boh dêh čar, pơdah pran khăp pap, ngă giang mah mơng dua boh dêh čar.

Dua bơnah bơtŭ ư brơi thâo, tơlơi rô nao rai ngă hrŏm yôm phăn djop mơta Việt Nam-Nga glăk pơđĭ kyar kơtang hloh; ngă hrŏm dua bơnah amăng hơdôm bruă bơwih ƀong huă-sĭ mơdrô, tuh pơ alin hơmâo pơtrut kơtang tui jơlan gah sit nik, tŭ yua, sit biă ñu lĕ ngă hrŏm gah ngă hmua, pla kyâo glai, akan hơdang, mơnong ƀong huă; bruă dua bơnah pok prong hơdôm glông por tơpă pơgôp pơtrut gum hrŏm pơbưp nao rai mơnuih ƀôn sang, tuai čuă ngui, sĭ mơdrô kơplah wah dua bơnah.