Tlam mơmŏt lơ 29/11, tui mông dêh čar Australia, Khua git gai pơ ala mơnuih ƀôn sang dêh čar ơi Vương Đình Huệ hăng Grup khua mua dêh čar ta nao truh laih pơ tơdron rơdêh por ling tơhan Fairbain, plơi prong jưh jom Canberra nao čuă sit nik dêh čar Australia tui hăng tơlơi jak iâu mơ̆ng Khua gơnong yŭ pơ ala mơnuih ƀôn sang dêh čar Australia, ơi Milton Dick, Khua gơnong dlông pơ ala mơnuih ƀôn sang dêh čar Australia, Sue Lines. Tal nao čuă jơmư sit nik Austraia anai, mơ̆ng ơi Vương Đình Huệ hăng grup khua mua mơ̆ng Việt Nam amra djru hrom ngă kjăp tơlơi pŭ ƀăn giăng mah yôm phara, tơlơi ngă gơ̆p khua mua pơprong dua bơnah, pơtrut ngă hrom dua bơnah anom bruă čih pơkra tơlơi phiăn dêh čar.

Laih dơ̆ng, tal nao čuă jơmư anai, djru hrom kơtưn ngă mơak giăng dua bơnah hăng lu bruă mă, boh nik ñu bơwih ƀong huă, sĭ mơdrô, tuh pơ alin, pơtô hrăm-pơtô pơjuăt, ling tơhan, pơgang rơnuk rơnua. Amăng tal nao čuă anai, ơi Vương Đình Huệ amra nao mă tơngan hăng lu khua mua pơprong dêh čar Australia: nao jơnum hrom bơwih ƀong huă, jơnum pơčrông sai bruă ngă hrom pơtô pơjuăt, nao čuă hơdôm sang hră gưl prong, bưp, ră ruai hăng mơnuih ƀôn sang Việt Nam dŏ pơ dêh čar Australia.