Anai lĕ tal nao čuă jơmư sit nik dêh čar Philippines blung a Khua mua pơprong mơ̆ng Việt Nam amăng thun 2022 hăng mơ̆ng Khua git gai pơ ala mơnuih ƀôn sang dêh čar ta ơi Vương Đình Huệ tơdơi kơ 16 thun, laih dơ̆ng sa amăng hơdôm tal nao čuă jơmư blung a mơ̆ng sa čô khua git gai pơ ala mơnuih ƀôn sang nao pơ dêh čar tač rơngiao, truh pơ dêh čar Philippines, tơdơi kơ Philippines pơphun tŭ yua bruă ruah khua amăng blan 5/2022 hăng hơmâo khua mua pơ ala gah gơnong dlông hăng gơnong yŭ phrâo blan 7/2022.

Tui hăng hơdră nao čuă, hrom hăng bruă pơtrut ngă pŭ ƀăn kơplah wah djop sang bruă čih pơkra tơlơi phiăn dua bơnah dêh čar, ơi Vương Đình Huệ, Khua git gai pơ ala mơnuih ƀôn sang dêh čar ta hăng khua mua mua gah dêh čar Philippines amra pơčrông sai kơ bruă ngă hrom lu bơnah, ngă kjăp hloh tơlơi giăng mah yôm pơphăn Việt Nam-Philippines lăi hrom hăng tơlơi rô nao rai khua mua pơprong dua bơnah ăt hnun mơ̆n.