Ƀơi mông tŭ jum, Khua git gai pơ ala mơnuih ƀôn sang dêh čar lăi lĕ, thun blan jĕ giăm hăng hơduah ĕp kơ Việt Nam lĕ sa tơlơi yôm pơtrut ngă giong bruă mơ̆ng pô, djru pơgôp hrom bruă ngă giăng mah, pơtrut tơlơi ngă hrom yôm phara Việt Nam hăng Prang laih anun tơlơi rô nao rai dua bơnah dêh čar gơyut gơyâo; tơlơi gum nao rai dua bơnah anom bruă khua pơ ala mơnuih ƀôn sang dêh čar Việt Nam-Prang. Khua anih jưh pơ ala dêh čar Prang, ơi Nicolas Warnery lăi lĕ amăng rơbêh 2 thun rơgao, khă bơbeč djơ̆ mơ̆ng klin Covid 19 samơ̆ yua pơčrông sai nao rai hăng hơdră lăng nao rai amăng tivi, mă bruă mơ̆ng ataih, bruă ngă giăng mah dua bơnah anom bruă pơ ala mơnuih ƀôn sang dêh čar ăt ba glăi boh tŭ yua mơ̆n.

Khua git gai pơ ala mơnuih ƀôn sang dêh čar ta lăi rơđah, Việt Nam lăng yôm bruă ngă giăng mah hăng ngă hrom hlom bom hăng Khul pơlir hơbit Mi kô̆ EU laih anun Prang ăt kah hăng hơdôm dêh čar ngă ding kơna EU; čang rơmang ăt tŭ mă tơlơi dong yua mơ̆ng dêh čar Prang amăng bruă pơtrut kơtang hloh, tŭ yua hloh mơ̆ng bruă ngă hrom Việt Nam-EU.