Khua git gai pơ ala mơnuih ƀôn sang dêh čar ơi Vương Đình Huệ tŭ jum Khua jơnum min pơlir hơbit kơnuk kơna Algeria-Việt Nam
Thứ năm, 08:22, 19/10/2023
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 18/10, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Vương Đình Huệ tŭ jum Khua ding jum tuh tia pơkra pơjing hăng pơkra jrao Algeria, Khua jơnum min pơlir hơbit Kơnuk kơna Algeria-Việt Nam Ali Aoun.
Ơi Vương Đình Huệ hok mơ-ak lơm Khua ding jum Ali Aoun rai čuă Việt Nam hăng git gai hrŏm jơnum tal 12 Jơnum min pơlir hơbit kơnuk kơna Việt Nam-Algeria. Ơi Vương Đình Huệ pơsit tong, Việt Nam amra ngă gong jơlan kiăng tô nao rai Algeria hăng kual Ngŏ dơnung Asia.
Laih dong, Algeria amra ngă gêh gal kiăng Việt Nam dưi nao bơwih ƀong pơ kual Kơdư ơi Jŭ hăng đơ đam kual ơi Jŭ- anai lĕ kual hơmâo lu tơlơi dưi prong hăng kiăng lu gơnam tam hăng tơlơi bơwih bơwang. Khua ding jum Ali Aoun čang rơmang, Việt Nam-Algeria amra kĭ hră pơkôl ngă hrŏm amăng bruă tuh tia pơkra pơjing hăng sĭ mơdrô. Ơi Vương Đình Huệ brơi thâo, Ƀirô Khua pơ ala mơnuih ƀôn sang dêh čar Việt Nam amra dong yua dua bơnah kĭ tơlơi pơkôl anai.
Viết bình luận