Khua git gai pơ ala mơnuih ƀôn sang dêh čar ta, ơi Vương Đình Huệ lăi lĕ, tal bưp anai mông pơčrông sai tơlơi pơhing anih bơwih ƀong pơđĭ kyar phara, hmư̆ lăng tơlơi rơkâo gah anih bơwih ƀong phara hăng ƀing ding kơna lăi pơthâo kiăng mơ̆ng anun, rơkâo čih pơkra jơlan hơdră pơtruh nao rai dua bơnah bơwih ƀong huă, pơhưč lu hloh sang bruă sĭ mơdrô ngă hrom tuh pơ alin amăng bruă dua bơnah hơmâo tơlơi gêh găl.

Group pơđĭ kyar bơwih ƀong phara Clark pơkă hnong đơ đam lŏn 32 rơbâo ha hăng hơdôm bruă mă hơmâo : boh thâo ia rơgơi tơlơi pơhing, boh thâo ia rơgơi phrâo, bruă rơdêh por, logistics hăng tuai čuă ngui. Truh ră anai, Group pơđĭ kyar phara Clark hơmâo  jak iâu 1100 čô khua anom bruă tuh pơ alin, mă yua apah mă bruă 127 rơbâo čô hăng prăk pơhrui glăi truh 3 klai 900 klăk USD. Bruă mă anai ăt pơđut tal nao čuă jơmư sit nik dêh čar Philippines hiam mơak mơ̆ng Khua git gai pơ ala mơnuih ƀôn sang dêh čar ơi Vương Đình Huệ hăng Grup khua mua dêh čar ta.