Lơ 21/10, Khua git gai pơ ala mơnuih ƀon sang dêh čar ơi Vương Đình Huệ tŭ jum Jơnum min pơtom hiăp Khua pơ ala mơnuih ƀon sang dêh čar Lao Sanya Praseut,  Khua Jơnum min pơtom hiăp, ngă hrŏm jar kmar, pôr pơhing Khua pơ ala mơnuih ƀon sang dêh čar Kur Sous Yara , ƀrô hrơi nao jơnum bơkơtuai kơplah wah 3 Jơnum min pơtom hiăp Khua pơ ala mơnuih ƀon sang dêh čar Kur - Lao - Việt Nam. Amăng mông bưp, Khua jơnum min pơtom hiăp dêh čar ta Vũ Hải Hà lăi pơthâo hăng Khua git gai pơ ala mơnuih ƀon sang dêh čar ơi Vương Đình Huệ kơ boh tơhnal mơng jơnum kơplah 3 Jơnum min pơtom hiăp mơng Khua pơ ala mơnuih ƀon sang dêh čar 3 boh dêh čar.

Khua git gai pơ ala mơnuih ƀon sang dêh čar tŭ jum Khua jơnum min pơtom hiăp Lao, Kur

Tui anun, 3 Jơnum min pơtom hiăp hơmâo pơčrông sai, tŭ ư hăng tơlơi rơkâo mơng Khua pơ ala mơnuih ƀon sang dêh čar 3 boh dêh čar akŏ pơjing hơdră jơnum pơbưp tui tơđar kơplah wah 3 bơnah. Khua git gai pơ ala mơnuih ƀon sang dêh čar ơi Vương Đình Huệ brơi thâo, hơdôm boh tơhnal mơ̆ 3 bơnah pơčrông sai hăng hơmâo tơlơi tŭ ư hrŏm amăng kơtưn rô nao rai, ƀu djơ̆ kơnong ngă tơlơi rô nao rai kơplah wah rĭm boh dêh čar jai hrơi hiam klă đôč ôh, mơ̆ ăt kơtưn dong amăng ngă hrŏm kơplah wah Ƀirô Khua pơ ala mơnuih ƀon sang dêh čar; sit biă ñu amăng pơđĭ kyar bơwih ƀong huă-mơnuih mơnam.