Amăng mông mơnit h’ŭ hăng pran jua pơpŭ sit nik, tơpă ară, pơ ala kơ khua mua pơ ala mơnuih ƀôn sang dêh čar, mơnuih ruah khua hăng mơnuih ƀôn sang amăng dêh čar, Khua git gai pơ ala mơnuih ƀôn sang dêh čar, Vương Đình Huệ hơmâo čuh ñang pơyơr mơnâo ƀâo bơngưi hiam hăng pran jua hơdor tơngia dlam biă mă hăng Khua mir sir Hồ Chí Minh. Khua git gai pơ ala mơnuih ƀôn sang dêh čar lăi pơthâo bruă mă ƀơi anăp kơnưl ngă yang pơpŭ kơ Wa, thun 2023, khua mua pơ ala mơnuih ƀôn sang dêh čar ngă giong bruă jao prong prin. Tal blung a amăng hră čih pioh gru grua phun dêh čar 78 thun ngă bruă hăng anai, anom bruă pơ ala mơnuih ƀôn sang dêh čar pơphun jơnum prong hăng lu hloh amăng sa thun, truh kơ 5 wơ̆t jơnum lok, sem glăi, pơsit hmao kru 84 mơta tơlơi pơprong amăng dêh čar, kiăng hmao pơsir anŏ kiăng ječ ameč amăng dêh čar, ngă gêh găl pơtrut ngă tui bruă jao amăng thun 2024 hăng hơdôm thun tŏ tui.

Ƀơi anăp rup Wa, Khua git gai pơ ala mơnuih ƀôn sang dêh čar, Vương Đình Huệ hăng grup khua mua pơ ala ƀuăn ăt ngă bruă abih pran jua kiăng pơgiong hĭ bruă jao pơblih phrâo, hrŏm hăng kơnuk kơna dêh čar, hrŏm hăng mơnuih ƀôn sang laih anun khul mơnuih ngă bruă sĭ mơdrô, pơtrut hmar bruă pơđĭ kyar hơđong kjăp lŏn ia, ba glăi tơlơi hơdip mơda trơi pơđao yâo mơak kơ mơnuih ƀôn sang, ba lŏn ia ta ngă bruă dưi hmao hăng hơdôm dêh čar pơdrong ƀơi rơma kual amăng lŏn tơnah kah hăng tơlơi čang rơmang mơ̆ng Wa hlâo kơ đuăi nao.