Đĭ pơhiăp amăng mông mă bruă, Khua git gai pơ ala mơnuih ƀôn sang dêh čar Vương Đình Huệ lăng yôm tơlơi tơpă mơng khua mua tơring čar Gia Lai lơm lăi pơthâo tơlơi tơnap tap, gun găn mơng tơring čar hăng brơi thâo, khŏm lăng nao hơdôm anŏ aka ƀu klă kiăng gir run pơsir hĭ lĕ bruă kiăng hloh.

Hăng pran jua anăm brơi “akŏ thun djưng djư, rơnuč thun hăt he”, Khua git gai pơ ala mơnuih ƀôn sang dêh čar pơtă pơtăn ngă brơi giong hơdôm hơnong pơkă abih tih gơnam pơkra rai đơ đam tơring čar thun 2024, pơsir hĭ hơdôm anŏ aka ƀu klă amăng bruă pơtô pơjuăt; kơtưn amăng khua apăn akŏ, sit biă ñu lĕ ƀing apăn bruă đah kơmơi hăng khua mua gưl să; ngă tui klă bruă pơplih ngă hră pơ-ar; jao prăk tuh pơ alin man pơdong; pơhưč tuh pơ alin amăng pơkra gơnam đang hmua, kyâo pơtâo kiăng đĭ tui rơnoh gơnam pơkra rai, sit biă ñu lĕ hơdôm gơnam tui OCOP.