Nao čuă Khua git gai Ping gah, Khua mir sir Lao Bounhang Vorachith hăng Khua dêh čar hơđăp Thongsing Thammavong, Khua git gai pơ ala mơnuih ƀôn sang dêh čar Vương Đình Huệ hok mơ-ak lơ̆m hơmâo bưp gơyut gơyâo adơi ayong giăng mah mơ̆ng Ping gah, Kơnuk kơna hăng mơnuih ƀôn sang Việt Nam. Khua git gai pơ ala mơnuih ƀôn sang dêh čar Vương Đình Huệ bơni hơ-ơč kơ ƀing khua prong hơđăp mơ̆ng dêh čar Lao ƀrô hrơi ngă lơphet Akŏ pơdong lŏn ia tal 48 laih anun pơtŏng glăi hơdôm tơlơi hơmâo ngă amăng lŏn ia wơ̆t hăng ƀơi čar rơngiao mơ̆ Ping gah, Kơnuk kơna hăng mơnuih ƀôn sang Lao hơmâo ngă amăng thun laih rơgao, amăng anun hơmâo tơlơi gum pơgôp prong biă mă mơ̆ng ƀing khua mua hơđăp dêh čar Lao.

Khua git gai pơ ala mơnuih ƀôn sang đăo kơnang, yŭ kơ tơlơi git gai mơ̆ng Ping gah Mơnuih ƀôn sang dêh čar Lao, lŏn ia Lao amra găn rơgao tơnap tap, jai hrơi đĭ kyar, pơdrong sah, mơnuih ƀôn sang Lao adơi ayong hăng ƀing ta jai hrơi trơi pơđao yâo mơ-ak.