Khua git gai pơ ala mơnuih ƀôn sang dêh čar Vương Đình Huệ nao jơnum hrŏm. 79 tơlơi čih hơmâo khul pơphun ruah mă kiăng jao pri Diên Hồng tal dua, hơmâo 7 pri A, 14 pri B, 20 pri C hăng 38 pri pơsur pran. Hơdôm tơlơi čih mă pri lêng pơdah tơlơi hơdip mơda, mông jơnum pơƀut, kiăo tui hơdôm bruă jao phun, čih tong ten hơdôm bruă mă mơng Khua pơ ala mơnuih ƀôn sang dêh čar, Khul pơ ala mơnuih ƀôn sang djop gưl hăng khua mua pơ ala mơnuih ƀôn sang.

Pri Diên Hồng tal dua, Gong phun jua pơhiăp dêh čar Việt nam mă 5 pri: hơmâo 1 pri A brơi kơ ƀing čih tơlơi pơhing: Tuyết Mai, Lê Tuyết, Vân Hồng, Uông Huyền, Hà Thảo, Anom pôr pơhing VOV1 hăng hơdôm tơlơi čih “kơtưn pơpha gưl, jao pran đăo gơnang”; 2 pri B hrơi ƀing čih tơlơi pơhing: Ngọc Thành, Hà Phương, hră pơhing Điện tử VOV News hăng hơdôm tơlơi čih “Tơlơi yak nao amăng čih tơlơiphiăn hăng tơlơi pơplih phrâo mơng jơnum pơƀut”, hăng grup čih tơlơi pơhing Gong pơdah rup VTC hăng tơlơi “Pran kơtang mơng sô hơđăp”; 2 pri pơsur pran mơng anom bruă ngă kual Tong krah hăng Yŭ kơdư.