Amăng thun 2023, bơwih ƀong huă - mơnuih mơnam lêng kơ hơmâo ngă giong. Amăng anun, rơnoh hrŏ trun ƀun rin lêng kơ klă, mrô sang anŏ rin mơ̆ng Tây Ninh dŏ glăi 0,6% - jing sa amăng hơdôm boh tơring hơmâo mrô mơnuih rin aset hloh amăng dêh čar.

Pơhiăp ƀơi mông ngă bruă, Khua git gai pơ ala mơnuih ƀôn sang Vương Đình Huệ lăng yôm hăng bơni biă kơ pran jua gir run ngă bruă kơđi čar, hrưn đĭ, gir ngă bruă mơ̆ng Ping gah, gong gai, tơhan hăng mơnuih ƀôn sang tơring čar Tây Ninh, pơplih tơlơi pơmin ngă bruă mơ̆ng ping gah, gong gai, tơlơi bơwih ƀong mơ̆ng Tây Ninh dưi găn rơgao tơnap tap, đĭ kyar; pơhlôm tơlơi hơdip mơnuih ƀôn sang, lăng ba mơnuih hơkrŭ lŏn ia; biă ñu lĕ bruă hrŏ trun ƀun rin dưi ngă klă. Khua git gai pơ ala mơnuih ƀôn sang Vương Đình Huệ kiăng amăng hrơi blan pơ anăp, tơring čar Tây Ninh kiăo tui tơlơi pơčrâo mơ̆ng Ping gah, Kơnuk kơna gir ngă bruă đah mơ̆ng hơmâo boh than prong hloh mơ̆ng rơwang thun ngă bruă.