Pơ ala kơ Khua mua pơ ala mơnuih ƀôn sang Việt Nam, Khua git gai pơ ala mơnuih ƀôn sang Vương Đình Huệ bơni hơ-ơč kơ dêh čar Kur hơmâo pơphun truh kih bruă ruah khua pơ ala mơnuih ƀôn sang dêh čar tal 7; bơni hơ-ơč kơ Samdech Hun Manet hơmâo Khua mua pơ ala mơnuih ƀôn sang đăo kơnang ruah ngă Khua dêh čar. Ơi Vương Đình Huệ đăo kơnang, dêh čar Kur amra hơmâo ngă lu bruă prong hloh, pơđĭ tui tơlơi hmư̆ hing, kơdrưh kơ-ang mơ̆ng dêh čar Kur amăng kual wơ̆t hăng ƀơi jar kmar.

Ƀơi mông bưp, dua čô khua pơtŏng glăi boh than ba glăi mơ̆ng bruă ngă hrŏm bơwih ƀong, sĭ mơdrô dua bơnah. Thun 2022, prăk sĭ mơdrô dua bơnah tal blung a rơgao mrô 10 klai dolar Mi. Pơ anăp anai, dua bơnah kiăng pơƀut ngă hrŏm, djru nao rai akŏ pơdong tơlơi bơwih ƀong rơngai, gơgrong mă pô, mut hrŏm hăng jar kmar; pơtruh nao rai bruă bơwih ƀong, biă ñu lĕ dua bơnah kiăng pơtruh nao rai man pơkra jơlan, amăng anun pơkra jơlan rơdêh đuăi hmar, pơđĭ tui mrô rơdêh por por tơkuh dua boh dêh čar.