Pơhiăp ƀơi mông bưp, Khua git gai pơ ala mơnuih ƀôn sang dêh čar ơi Vương Đình Huệ pơtŏng glăi jơlan hơdră mơ̆ng tơring čar Nghệ An kĭ hră akŏ pơdong khul. Dơ̆ng mơ̆ng hrơi hơmâo akŏ pơdong thun 2009, Khul tơhan hơkrŭ ayăt mă ngă mơnă ƀơi tơring čar Nghệ An hơmâo tum pơƀut, akŏ pơdong jai hrơi kơjăp hloh. Hăng gru grua “Mơñum ia hơdor kơ pô klơi”, lêng kơ hơdor kơ mơnuih djru hơkrŭ lŏn ia, Khua git gai pơ ala mơnuih ƀôn sang dêh čar pơsit, Ping gah, Kơnuk kơna hơdor bơni hăng lăng ba tơlơi hơdip mơnuih gum hơkrŭ lŏn ia ta, amăng anun hơmâo tơhan hơkrŭ ayăt mă krư̆, mă ngă mơnă.

Hrơi blan pơ anăp, Khua git gai pơ ala mơnuih ƀôn sang dêh čar ơi Vương Đìng Huệ čang rơmang, ding kơna pơtrut tui gru grua hơkrŭ khin hơtai, sông kơtang, gir run, pơčeh phrâo mă bruă; kiăo tui djơ̆ tơlơi pơtrun mơ̆ng khul, pơtrut tui gru grua hơkrŭ lŏn ia, bơbuă tui kơjăp hloh pran jua khăp ƀu-eng ƀing gŏp, djru ba tơlơi hơdip, djru akŏ pơdong hăng pơgang lŏn ia.