Ơi Vương Đình Huệ lăi, sit yua hơmâo hơdră ngă bruă lăp djơ̆, hmao tlôn, aka ƀu hơmâo djơ̆ ôh mơ̆ng hlâo, lăng glăi ha mơkrah rơwang thun ngă bruă phrâo rơgao, Việt Nam dưi găn rơgao tơnap tap, lông lăng laih anun hơmâo lu boh than yôm, amăng abih bang bruă. Tui hăng Khua git gai pơ ala mơnuih ƀôn sang dêh čar, mơ̆ng tơlơi rung răng, tơnap tap anun, jai hrơi ƀuh rơđah hloh anŏ yôm hăng tơlơi gơgrong mơ̆ng lăm dêh čar, thâo gơgrong bruă mă pô, pơđĭ kyar bơwih ƀong mă pô.

Pơđĭ kyar tơlơi hơmâo amăng lăm, tơlơi pơčeh phrâo pơtrut đĭ kyar jing tơlơi khŏm kiăng hơmâo, kiăng biă mă đah mơ̆ng hơđong, dưi ngă na nao, djru lŏn ia ta mơneč mă tơlơi gêh gal, găn rơgao tơlơi lông lăng, amuñ hơmâo tơlơi gêh gal či ngă bruă, dưi pơkơdong glăi djŏp tơlơi rung răng mơ̆ng rơngiao, laih dong djru tơlơi bơwih ƀong đĭ kyar, anăp nao đĭ kyar kơjăp.