Ƀơi mông ngă bruă, Khua git gai pơ ala mơnuih ƀôn sang Vương Đình Huệ kiăng, Ding jum ling tơhan, Anom bruă phun pơkra măi mok ling tơhan kơsem min, rơkâo đĭ hăng Ping gah Ling tơhan, Ding jum ling tơhan pơphô bruă hăng Ping gah, Kơnuk kơna jơlan hơdră ngă bruă, akŏ pơdong, pơđĭ kyar bruă pơkra măi mok ling tơhan tui jơlan prăp rơmet mă pô; dưi kơsem min, pơkra mă phao kơtuang, gơnam yua yơyôm kơ tơhan blah ngă, djơ̆ hăng tơlơi kiăng pơplih phrâo mơ̆ng Ling tơhan hăng bruă pơkra măi mok, pơplih phrâo lŏn ia, akŏ pơdong hăng pơgang Lŏn ia amăng rơnuk phrâo.

Rơngiao kơ anun, kiăng pơƀut pơphô brơi hơdôm jơlan hơdră akŏ pơdong hơbô̆ bruă pơđĭ kyar pơkra măi mok ling tơhan. Khua git gai pơ ala mơnuih ƀôn sang đăo kơnang, Khua anom bruă pơkra măi mok ling tơhan gum pơgôp, pơčeh phrâo nao nao, akŏ pơdong Anom bruă mă bruă klă, kơjăp, djơ̆ hăng tơlơi kiăng akŏ pơdong Ling tơhan pơplih phrâo, rơgơi bruă, hơdeč hmar, djơ̆ hăng tơlơi kơnang mơ̆ng Ping gah, Kơnuk kơna hăng Mơnuih ƀôn sang.