Khua git gai pơ ala mơnuih ƀôn sang Vương Đình Huệ lăi, Khua mua pơ ala mơnuih ƀôn sang klâo boh dêh čar, hloh kơ djŏp bruă kiăng gum tơngan, hơkrŭ kơjăp tui bruă kơđi čar, đăo kơnang nao rai, giăng mah pŭ ƀăn hăng gum pơgôp yôm phara kơplah wah Kur - Lao - Việt Nam. Tơlơi rô nao rai giăng mah, đăo kơnang bruă kơđi čar kơplah wah klâo boh dêh čar Kur - Lao - Việt Nam jing yôm hloh kơ abih bang, jing hơdră ngă hrŏm sui thun yun blan amăng bruă akŏ pơdong, pơgang hăng pơđĭ kyar lŏn ia mơ̆ng klâo bơnah.

Việt Nam lêng kơ lăng yôm hăng lăng anai kar hăng bruă yôm phun, kiăng ngă hlâo amăng jơlan hơdră pơtom hiăp mơ̆ng Việt Nam. Khua git gaipơ ala mơnuih ƀôn sang dêh čar Vương Đình Huệ rơkâo, Ƀirô pơ ala mơnuih ƀôn sang klâo boh dêh čar pơtrut pơsur kơnuk kơna hăng hơdôm bơnah bơdjơ̆ nao pơtrut tui hơdôm bruă kiăng pơđĭ kyar hơđong kơjăp ƀơi rŏng lŏn tơnah, pơgăn glăi tơlơi pơplih ayuh hyiăng.