Tơdơi kơ hmư̆ tơlơi lăi pơthâo glăi tơlơi pok pơhai mă yua ngă tui Tơlơi pơtrun pơsit mrô 59 mơ̆ng Khua pơ ala mơnuih ƀôn sang kơ hơdră pơtrun tuh pơplai rơwang bruă yua prăk pơkra jơlan đuăi hmar Biên Hòa – Vũng Tàu tal 1 hăng tơlơi pok pơhai ngă tui 3 rơwang bruă, amăng anun hmâo rơwang bruă 3 yua kơ Jơnum min mơnuih ƀôn sang tơring čar Bà Rịa – Vũng Tàu lĕ ƀirô gơgrong wai lăng, Khua git gai wai lăng pơ ala mơnuih ƀôn sang Vương Đình Huệ lăi lĕ, truh ră anai tơring čar Bà Rịa – Vũng Tàu hmâo ngă giong laih bruă pơsir lŏn pioh pơkra jơlan, jao lŏn pioh pơphun pơkra jơlan.

Khua git gai wai lăng pơ ala mơnuih ƀôn sang pơdah pran jua čang rơmang, hăng pran jua mơ̆ng tơring čar Bà Rịa – Vũng Tàu tañ, pơsit pran kơjăp, pok pơhai tañ črăn găn tơring čar hăng rơnoh tui anun, rơwang bruă amra ngă giong ƀu djơ̆ kơnong kơ djơ̆ rơnoh pơkă ôh mơ̆ ñu dô̆ hloh kơ tơhnal ba tơbiă dong./.