Nao čuă gru grua đưm lŏn ia pha ra dua bơnah hang Hiền Lương – Bến Hải, Khua git gai wai lăng pơ ala mơnuih ƀôn sang dêh čar Cuba hrŏm hăng Grŭp Khua pơ ala gưl dlông Cuba hmâo ră ruai hăng mơnuih apăn bruă, mơnuih ƀôn sang ƀơi anai, lăng Khăn gru Việt Nam por hăng gŏng kut Hiền Lương.

Ră ruai hăng ƀing čơđai sang hră ƀơi anai, Khua git gai wai lăng pơ ala mơnuih ƀôn sang dêh čar Cuba hrŏm hăng Grŭp Khua pơ ala gưl dlông Cuba lok glăi kơ tal rai čuă mơ̆ng Khua mir sir Fidel Castro pơ kual tlaih rơngai Quảng Trị, čuă lu anih anom lom kual lŏn anai ăt dô̆ mơn mơnâo put phao hăng bă kơ bôh ƀôm. Khua git gai wai lăng pơ ala mơnuih ƀôn sang dêh čar Cuba ăt hmâo djă pioh mơn hơdôm pran jua kiăng khăp mơng pô kơ tal nao čuă Quảng Trị anai amăng hră čih pioh ƀơi Sang djă pioh gru grua kual Gru đưm Lŏn ia dua bơnah hang Hiền Lương – Bến Hải./.