VOV4.Jarai - Čơtlăm lơ 29/9, ƀơi Sang mă bruă Khua pơ ala mơnuih ƀôn sang dêh čar ta, Khua git gai wai lăng pơ ala mơnuih ƀôn sang dêh čar ta  ơi Vương Đình Huệ hmâo bơkơtuai laih hăng Khua dêh čar Cuba Manuel Marrero Cruz  glăk dô̆ čuă dêh čar Việt Nam mơng lơ 28/9-02/10. Amăng mông bơkơtuai, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit Khua pơ ala mơnuih ƀôn sang hăng mơnuih ƀôn sang Việt Nam dŏng yua na nao bruă ngă hơkrŭ tơpă sit mơng mơnuih ƀôn sang Cuba adơi ayong; lăng yôm, djă pioh hăng djru pơđĭ kyar hloh dong pran gum hrom hơbit, giăng mah hăng tơlơi rô nao rai gum hrom pha ra Việt Nam hăng Cuba.

Khua git gai wai lăng pơ ala mơnuih ƀôn sang dêh čar ta pơsit, Khua pơ ala mơnuih ƀôn sang Việt Nam amra gum hrom kơjăp dong hăng Khua pơ ala mơnuih ƀôn sang dêh čar Cuba kiăng bơkơtuai tơlơi găn rơgao bruă khua pơ ala mơnuih ƀôn sang, lăng tui, hrom hăng anun gum hrom kơjăp hơdôm bruă bơkơtuai gah khua pơ ala mơnuih ƀôn sang jar kơmar hăng amăng kual. Khua dêh čar Cuba pơsit Cuba pơsit yôm pran jua giăng mah mơng hlâo pha ra kơplah wah dua bôh dêh čar dưi hmâo laih Khua mir sir Hồ Chí Minh hăng Khua mir sir Phidel Castro pơjing, dưi hmâo lu rơnuk Khua git gai hăng mơnuih ƀôn sang dua bôh dêh čar bư̆ bôr./.

VOV.VN čih

Siu H’ Prăk pơblang