Pơ ala kơ Ơi pơtao hăng Gong gai Japan, Khua anih jưh pơ ala kơ gong gai dêh čar Japan ƀơi Việt Nam Yamada Takio hmâo ƀơk laih Miđai Yang hrơi ƀlĕ dăp tal sa Đại Thập Tự kơ Khua git gai wai lăng pơ ala mơnuih ƀôn sang dêh čar ta hơđăp Nguyễn Thị Kim Ngân.

Pơdah pran jua ol kơdol, pơ-ư pơ-ang dưi čơkă mă Miđai Yang hrơi ƀlĕ dăp tal sa Đại Thập Tự mơ̆ng Ơi pơtao hăng Gong gai dêh čar Japan hmâo ƀơk brơi, Khua git gai wai lăng pơ ala mơnuih ƀôn sang dêh čar ta hơđăp Nguyễn Thị Kim Ngân lăi lĕ, anai lĕ gơnam apah bơni prong hloh pơdah tơlơi đing nao, pơsit mơ̆ng Japan pioh kơ bruă gum hơgôp ƀu lu lơm dô̆ apăn bruă mơ̆ng pô. Khua git gai wai lăng pơ ala mơnuih ƀôn sang dêh čar ta hơđăp Nguyễn Thị Kim Ngân hơ-ưč hmưi tơlơi rô nao rai klă hiam kơplah wah Việt Nam - Japan hăng mơnuih ƀôn sang dua bôh dêh čar pơđĭ kyar kơjăp phik dong pơ̆ anăp anai./.