Khua git gai wai lăng pơ ala mơnuih ƀôn sang dêh čar ta ơi Vương Đình Huệ čơkă mơ-ak grŭp khua pơ ala gưl dlông Ping gah, Kơnuk kơna Cuba rai čuă dêh čar Việt Nam hăng pơhmư̆ mông ngă Lơphet hơdor glăi 50 thun tal rai čuă mơng Khua mir sir Fidel Castro pơ̆ kual Tlaih rơngai kual Dơnung dêh čar Việt Nam pơ̆ Quảng Trị (9/1973 – 9/2023).

Dua Khua git gai wai lăng pơ ala mơnuih ƀôn sang pơsit yôm bruă bơkơtuai nao rai grŭp gưl dlông hăng hơdôm gưl kơplah wah dua bôh dêh čar lăi hrŏm hăng 2 Khua pơ ala mơnuih ƀôn sang dua bôh dêh čar pơ anăp anai, dua bơnah pơtrut kơtang dong bruă bơkơtuai grŭp gưl dlông, hăng hơdôm gưl, biă ñu kơplah wah Grŭp Khua pơ ala giăng mah hăng hơdôm ƀirô mơng Khua pơ ala mơnuih ƀôn sang. Dua Khua git gai wai lăng pơ ala mơnuih ƀôn sang dua bôh dêh čar ăt tŭ ư hrŏm mơn amra pơphun mông jơnum kơplah wah Jơnum min pơlir hơbit Khua pơ ala mơnuih ƀon sang dua bôh dêh čar amăng thun 2024./.