Hmư̆ tui tơlơi jak iâu mơng Khua git gai wai lăng pơ ala mơnuih ƀôn sang dêh čar Kur, Khua Khul pơ ala kơ Khua pơ ala mơnuih ƀôn sang hơdôm bôh dêh čar kual Đông Nam Á (AIPA) Samdech Heng Samrin, mơguah anai lơ 19/11, Khua git gai wai lăng pơ ala mơnuih ƀôn sang dêh čar ta ơi Vương Đình Huệ ba jơlan hlâo Grŭp khua pơ ala gưl dlông Khua pơ ala mơnuih ƀôn sang dêh čar Việt Nam hmâo pơphun nao čuă dêh čar Kur hăng hmư̆ Jơnum Khul pơlir Khua pơ ala mơnuih ƀôn sang kual ASEAN tal 43 (AIPA-43) mơng lơ 19/11 – 22/11.

Tal nao čuă sit nik dêh čar Kur mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng Grŭp khua pơ ala gưl dlông Khua pơ ala mơnuih ƀôn sang dêh čar ta kiăng pơtrut ngă brơi tơlơi rô nao rai ƀing gŏp jê̆ giăm klă giam, giăng mah mơng hlâo, gum hrom abih bang, kơjăp phik sui thun kơplah wah dua bôh dêh čar jai hrơi jai nao dơlăm, sit nik hăng ba glăi bôh tơhnal hloh. Bơkơtuai kơ jơlan gah gum hrom kơplah wah ƀirô khua pơ ala mơnuih ƀôn sang dua bôh dêh čar pơ̆ anăp anai wot amăng rơwang dua bơnah hăng lu bơnah; lăi pơthâo tơlơi gum pơhiăp kơ tơlơi jar kơmar hăng amăng kual mơ̆ dua bơnah hơdai bơ đing nao./.