Hăng anăn ñu “Bruă mă mơng hlăk ai amăng bruă pơtrut ngă tui hơdôm Tơhnal ba tơbiă pơđĭ kyar kơjăp phik hluai tui pơplih mrô hăng pơplih phrâo pơčeh phrâo” hăng hơdôm mông bơkơtuai tui akô̆ bruă, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ rơkâo, ƀing khua pơ ala nao pơhmư̆ mông Jơnum lăi pơthâo nao rai, bơkơtuai kơ sa dua bôh yôm kah hăng kiăng ngă hơget hăng ngă hiưm ñu pioh djơ̆ tui hăng pơhlôm tơlơi phiăn jar kơmar, Phiah phiăn Sang gum hơbit djop dêh čar, jing tơlơi phun, djă pioh hăng hơbô̆ đĭ tơlơi rơnuk rơnua, gum hrŏm hăng pơđĭ kyar kơjăp phik.

Khua git gai wai lăng pơ ala mơnuih ƀôn sang dêh čar ta, ơi Vương Đình Huệ rơkâo IPU (Khul pơlir hơbit Khua pơ ala mơnuih ƀôn sang rŏng lŏn tơnah) kơsem min pơdŏng glông bruă khua pơ ala mơnuih ƀôn sang đơ đam rŏng lŏn tơnah kơ pơplih phrâo pơčeh phrâo kiăng gum hrŏm lăi pơthâo nao rai hăng hrăm tui tơlơi găn rơgao tơdruă./.