Amăng mông tŭ jum, dua bơnah pơsit yôm tơlơi rô nao rai gum hrŏm giăng mah kơplah wah Việt Nam hăng Japan amăng hơdôm hrơi rơgao. Gum hrŏm bruă Khua pơ ala mơnuih ƀôn sang hăng bơkơtuai mơnuih ƀôn sang jing bruă mă yôm phăn pơđĭ kyar tơlơi rô nao rai Việt Nam hăng Japan. Khua git gai wai lăng pơ ala mơnuih ƀôn sang dêh čar ta rơkâo Gong gai dua bôh dêh čar gum hrŏm kiăng ngă dơlăm tui tơlơi rô nao rai dua bôh dêh čar amăng rơnuk phrâo. Dua bơnah ăt tŭ ư khom kơtưn đĭ tô nao rai ană mơnuih hăng ană mơnuih, anai lĕ bôh than phun, jing gru than hơkrŭ đĭ, kơtưn tơlơi rô nao rai Việt Nam hăng Japan.

Rơngiao kơ anun khom kơtưn đĭ tô nao rai anom bơwih ƀong hăng anom bơwih ƀong, tơring čar, ƀôn prong hăng tơring čar, ƀôn prong. Gah gum hrŏm Khua pơ ala mơnuih ƀon sang dua bôh dêh čar, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ rơkâo, ơi Yamaguchi Natsuo dŏng yua dong Khua pơ ala mơnuih ƀôn sang Việt Nam hăng Japan kơtưn bơkơtuai grŭp gưl dlông hăng hơdôm gưl, kơplah wah grŭp khua pơ ala mơnuih ƀôn sang hlăk ai, grŭp khua pơ ala mơnuih ƀôn sang đah kơmơi, ngă tui bruă grŭp Khua pơ ala mơnuih ƀôn sang giăng mah hăng Khul pơlir hơbit Khua pơ ala mơnuih ƀôn sang giăng mah Japan hăng Việt Nam...