Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm bruă mă mơ̆ng khua pơ ala hơdôm hrơi rơgao hmâo lu tơlơi gum hơgôp kiăng pơtrut hloh dong amăng tơlơi rô nao rai giăng mah krên dên, gum hrŏm hơbit pha ra, gum hrŏm abih bang, hui hmâo ƀơi rŏng lŏn tơnah lăi hrŏm hăng tơlơi rô nao rai dua Khua pơ ala mơnuih ƀôn sang lăi ha jăn. Biă ñu, rơngiao kơ hơdră bruă pơbưp tui tơđar kơplah wah Ding jum kơđi čar hăng bruă jơnum tui tơđar mơng dua Jơnum min gum hrŏm pơlir Gong gai dua bôh dêh čar lĕ, phrâo anai, “Bruă pơbưp gưl dlông Việt Nam – Kur – Lao” kơplah wah Khua git gai 3 Ping gah hmâo pơphun truh kih biă.

Hrŏm hăng anun, dua bơnah hmâo lu hơdră pơkă phrâo dưi pơdŏng. Amăng anun, hmâo hơdră pơkă kơplah wah 3 Khua git gai wai lăng pơ ala mơnuih ƀon sang Kur – Lao – Việt Nam amra dưi pơphun Jơnum gưl dlông Khua pơ ala mơnuih ƀôn sang Kur – Lao – Việt Nam tal blung a ƀơi Lao amăng rơnuč thun anai. Ƀrô̆ djơ̆ tal anai, Khua git gai wai lăng pơ ala mơnuih ƀôn sang dêh čar bơni Khua pơ ala mơnuih ƀôn sang dêh čar Lao pơkiăo grŭp khua pơ ala nao pơhmư̆ Jơnum Khua pơ ala mơnuih ƀôn sang hlăk ai đơ đam rŏng lŏn tơnah tal 9 yua Khua pơ ala mơnuih ƀôn sang Việt Nam pơphun bruă jơnum; pơdah pran jua mơ-ak lơm Khua pơ ala mơnuih ƀôn sang Lao lĕ Khua AIPA 2024 hmâo gum hrŏm hăng Khua čih pioh AIPA pơbưp ƀô̆ mơta ƀing khua pơ ala mơnuih ƀôn sang hlăk ai AIPA ƀơi mông jơnum phrâo rơgao./.