Khua git gai wai lăng pơ ala mơnuih ƀôn sang dêh čar ta ơi Vương Đình Huệ bơni ơi Park Hark Kyu rai čuă hăng mă bruă ƀơi dêh čar Việt Nam hăng mơ-ak bưp glăi tơdơi kơ tal cuă sit nik dêh čar Hàn Quốc mơ̆ng Grŭp khua pơ ala gưl dlông Khua pơ ala mơnuih ƀôn sang dêh čar Việt Nam lơm blan 2/2021.

Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơtŏng sit, Khua pơ ala mơnuih ƀôn sang Việt Nam dŏng yua, amra pơjing jơlan djơ̆ phiăn kơ hơdôm bruă tuh pơplai, ngă rai gơnam, sĭ mơdrô mơ̆ng mơnuih bơwih ƀong amăng hăng gah rơngiao kơ dêh čar, amăng anun hmâo hơdôm bôh anom bơwih ƀong Hàn Quốc hăng Grŭp Samsung; amra gum hrŏm hăng ngă gal brơi kiăng Grŭp pok pơhai hơdôm bruă tuh pơplai sĭ mơdrô ba glăi bôh tơhnal, truh kih hăng kơjăp phik ƀơi Việt Nam. Ơi Park Hark Kyu čang rơmang Việt Nam amra pơplih anih bơwih ƀong sĭ mơdrô pơ̆ anăp anai. Tal anai, ơi Park Hark Kyu lăi pơthâo nao rai hăng Khua git gai wai lăng pơ ala mơnuih ƀôn sang dêh čar ta ơi Vương Đình Huệ sa dua mơta tơlơi đing nao mơ̆ng grŭp./.