Dua gơñu pơdah pran jua mơ-ak hăng pơsit yôm hơdôm bôh than truh kih yôm phăn amăng gum hrŏm Việt Nam – Lao lăi hrŏm hăng gum hrŏm kơplah wah Khua pơ ala mơnuih ƀôn sang dua bôh dêh čar lăi ha jăn; lăi rơđah tơhnal yôm phăn mơ̆ng bruă pơtrut gum hrŏm sĭ mơdrô, tuh pơplai, kơtưn tô nao rai dua bôh dêh čar, tô nao rai jơlan glông, pơtrut pơtô pơhrăm, bôh thâo đưm hăng bơkơtuai mơnuih ƀôn sang; hrŏm hăng anun tŭ ư hrŏm lăng ba dong, pơsir tơlơi tơnap, tơlơi gun kơ hơdôm bôh anom bơwih ƀong hăng hơdôm rơwang bruă gum hrŏm yôm phăn kơplah wah dua bôh dêh čar.

Dua bơnah tŭ ư hrŏm dŏng yua pơtrut kơtang bruă čuă nao rai, pơbưp kơplah wah khua mua Khua pơ ala mơnuih ƀôn sang hăng kơplah wah hơdôm Jơnum min mơ̆ng Khua pơ ala mơnuih ƀôn sang dua bôh dêh čar; kơtưn gum hrŏm dong, lăi pơthâo tơlơi găn rơgao kơplah wah dua bôh ƀirô Khua pơ ala mơnuih ƀôn sang./.