Amăng mông bơkơtuai, dua bơnah pơdah pran jua mơ-ak hăng ư-ang kơ bôh than dưi ngă tơdơi giăm hmâo 75 thun dua bôh dêh čar pơdŏng bruă pơtom hiăp, gum hrŏm Việt Nam – Bungari pơđĭ kyar klă dong amăng abih bang bruă kơđi čar – pơtom hiăp, bơwih ƀong – sĭ mơdrô – tuh pơplai, bôh thâo phrâo – hơdră mă yua măi mok; pơtô pơhrăm – pơtô juăt, pơgang lŏn ia – rơnuk rơnua plơi pla, bôh thâo, bơkơjăp drơi jăn hăng tuai čuă ngui, gum hrŏm plơi pla.

Dua gơñu tŭ ư hrŏm lăi lĕ, dua bơnah tañ jơnum Jơnum min pơlir hơbit Gong gai dêh čar gah gum hrŏm bơwih ƀong, sĭ mơdrô hăng bôh thâo phrâo amăng thun anai, pok tơbiă hơdôm bruă gum hrŏm phrâo, ngă gal brơi kơ anih anom sĭ mơdrô kơ gơnam tam tơdruă tui Tơlơi pơkôl sĭ mơdrô mơ-ak klă Việt Nam – EU EVFTA. Việt Nam pok bah amăng kơ hơdôm bôh anom bơwih ƀong Bungari tuh pơplai, bơwih ƀong sĭ mơdrô hơdôm mơta gơnam tam gal hloh. Gah Bungari čang rơmang gum hrŏm sĭ mơdrô nao rai hăng Việt Nam amăng hơdôm bruă hmâo tơhnal gal kah hăng hơdră mă yua măi mok yôm; ia jrao, hơdră mă yua măi pôr pơhing, pơčeh phrâo, tuai čuă ngui./.