Khua git gai wai lăng pơ ala mơnuih ƀôn sang dêh čar ta Vương Đình Huệ lăi rơđah, tal rai čuă hmâo bôh yôm phăn lơm dua bôh dêh čar phrâo hơdor glăi 10 thun tơlơi rô nao rai gum hrŏm khom ngă (2013-2023); čang rơmang truh kih mơ̆ng tal rai čuă amra jing gru pơđom pioh yôm phăn pioh dua bôh dêh čar anăp nao pơđĭ tui bruă gum hrŏm truh tơhnal phrâo, anăp nao truh hrơi hơdor glăi 70 thun hrơi 2 bôh dêh čar pơdŏng bruă pơtom hiăp amăng thun 2025.

Amăng mông bơktuai, dua gơñu tŭ ư hrŏm khom kơtưn dong bruă čuă nao rai grŭp hơdôm gưl, pơđĭ tui bôh tơhnal hơdôm hơdră pơkă gum hrŏm hmâo ră anai, hrưn đĭ prăk pơhrui glăi mơ̆ng bruă sĭ mơdrô gơnam nao rai dua bơnah tañ hmâo 15 klai dolar Mi, dua bơnah ngă gal brơi hơdôm mơta gơnam sĭ kơ dêh čar tač rơngiao mơ̆ng dua bôh dêh čar; lăi pơthâo tơlơi găn rơgao pơdŏng pơjing hơdră pơđĭ kyar bruă măi mok; djru pơtrut hơdôm hơdră bruă pioh pơtrut tañ lơm pơplih apui yua; pơhlôm gơgrong pô, ha jăn amăng bruă apui yua pơkra glăi. Khua git gai wai lăng pơ ala mơnuih ƀôn sang dêh čar ta Vương Đình Huệ čang rơmang dua bôh dêh čar gum hrŏm kơjăp dong amăng bruă Gong gai dêh čar ăt kah hăng khua pơ ala mơnuih ƀôn sang pioh djru hơkrŭ pran gum hrŏm hơbit, pơlir hơbit, bruă phun mơ̆ng ASEAN, ngă tui bruă mă mơng IPA ăt kah hăng djă pioh rơnuk rơnua, hơđong ƀơi kual./.