Pơhiăp amăng mông bưp, Khua git gai wai lăng pơ ala mơnuih ƀôn sang dêh čar ta Vương Đình Huệ hơ-ưč hmưi hăng bơni ƀing khua pơ ala mơnuih ƀôn sang, hơdôm ƀirô mơ̆ng Khua pơ ala mơnuih ƀôn sang, hơdôm ƀirô mơ̆ng Jơnum min apăn bruă Khua pơ ala mơnuih ƀôn sang hmâo abih pran jua, hur har, pơčeh phrâo pơjing rai hơdôm bôh tơhnal prong mơ̆ng thun 2023.

Lăi rơđah, thun 2024 jing sa thun pha ra biă, jing thun hơdôm gơnong bruă, hơdôm gưl, hơdôm ƀirô, tơring čar ƀôn prong leng kơ khom pơđĭ rơnoh pioh truh akô̆ tơhnal pơkă kơ bơwih ƀong – mơnuih mơnam mơ̆ng sa rơwang bruă, Khua git gai wai lăng pơ ala mơnuih ƀôn sang dêh čar ta lăi lĕ, Khua pơ ala mơnuih ƀôn sang amra ư-ang kơ hơdôm bôh than dưi ngă amăng thun 2023, samơ̆ ăt ƀu dưi lăng djơ̆ pran mơn, ƀu lui raih mơn. Pơkă hlâo, mrô bruă mơ̆ng thun anai prong biă, rơngiao hơdôm bruă mă tơđar amăng khua pơ ala mơnuih ƀôn sang, lăng tui prong, pơsit hơdôm tơlơi yôm phăn lŏn ia hăng hơdôm bruă pơkon, Anom bruă Khua pơ ala mơnuih ƀôn sang dô̆ prăp lui klă pioh anăp nao hơdor glăi 80 thun hrơi Ruah Khua pơ ala mơnuih ƀôn sang blung a./.