Lăi pơthâo nao rai amăng mông bưp, hơdôm bôh anom bơwih ƀong brơi thâo, hmâo laih hơdôm tơlơi gum hơgôp klă lu mơta kơ bơwih ƀong – mơnuih mơnam Lao amăng lu bruă; hrŏm hăng anun pơjing bruă mă kơ hơdôm rơbăn čô mơnuih mă bruă, pơjing prăk pơhrui glăi, pơplih phrâo tơlơi hơdip  mơda, pơhrua nao dong ngăn rơnoh pơhrui glăi kơ ngăn drăp kơnuk kơna Lao.

Pơhiăp amăng mông bưp, Khua git gai wai lăng pơ ala mơnuih ƀôn sang dêh čar bơni kơ Khua pơ ala mơnuih ƀôn sang hăng Gong gai dêh čar Lao hmâo ƀơi anăp lăng ba, pơtlaih tơlơi tơnap kơ hơdôm bôh anom bơwih ƀong dêh čar Việt Nam; hrŏm hăng anun bơni pran jua pơsit, tơlơi gir run hrưn đĭ mơ̆ng hơdôm bôh anom bơwih ƀong Việt Nam, anai lĕ bôh than phun, pơsit. Ƀơi anăp hơdôm tơlơi tơnap hrŏm ră anai,  Khua git gai wai lăng pơ ala mơnuih ƀôn sang dêh čar ta Vương Đình Huệ čang rơmang hơdôm bôh anom bơwih ƀong Việt Nam ƀơi Lao khom gir run hăng pơsit pran jua hloh yua kơ Ping gah, Khua pơ ala mơnuih ƀôn sang hăng Gong gai dua bôh dêh čar glăk gir run pơčeh phrâo anih anom tuh pơplai jai hrơi jai klă hloh./.