Pơhiăp ƀơi anai, Khua git gai wai lăng pơ ala mơnuih ƀôn sang dêh čar ta Vương Đình Huệ pơsit yôm, Bruă pel ĕp prăk kak mă yua kơnuk kơna hmâo ngă tui klă laih amăng hơdôm bruă mă, bruă jao tui tơlơi phiăn pơkă hăng pơkă amăng tơlơi phiăn. Kiăo tui, djru klă hơdôm bruă mă, bruă jao mơ̆ng Khua pơ ala mơnuih ƀôn sang, biă ñu lĕ bruă lăng tui hơdôm akô̆ bruă prong mơ̆ng Khua pơ ala mơnuih ƀôn sang.

Thun 2024, bruă ba tơbiă kơ hơdôm gưl, hơdôm gơnong bruă kơdrâ̆o biă, yua anun Khua git gai wai lăng pơ ala mơnuih ƀôn sang dêh čar ta rơkâo Grŭp mă bruă Ping gah hăng khul khua mua wai lăng bruă pel ĕp mă yua prăk kơnuk kơna rŭ tơgŭ dong amăng gơnong bruă, pran jua bơkơtưn kiăng hmâo bôh than sit nik hơdor glăi 30 thun pơdŏng gơnong bruă. Anom pel ĕp prăk mă yua Kơnuk kơna lăng tui jơlan hơdră mă bruă mơ̆ng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang pioh djru mă bruă jai hrơi klă hloh kơ Khua pơ ala mơnuih ƀôn sang amăng čih pơkra tơlơi phiăn, lăng tui bruă mă hăng pơsit hơdôm tơlơi yôm phăn lŏn ia. Biă ñu amăng čih pơkra tơlơi phiăn, kiăng thâo hơdôm tơlơi akă gal, dô̆ tơdu, bơrơkua lơm ngă tui bruă jao./.