Khua git gai wai lăng pơ ala mơnuih ƀôn sang dêh čar ta Vương Đình Huệ čuă hơdôm khul apăn bruă ƀơi bah amăng guai dêh čar jar kơmar Mộc Bài, Tây Ninh
Thứ năm, 09:48, 04/01/2024
VOV/Siu H' Prăk pơblang
VOV/Siu H' Prăk pơblang
VOV4.Jarai – Tô̆ tui hơdôm bruă nao čuă ƀơi hơdôm tơring čar kual Ngŏ Dơnung dêh čar, čơtlăm tom brơi (3/1), Khua git gai wai lăng pơ ala mơnuih ƀôn sang Vương Đình Huệ hăng grŭp hyu mă bruă hmâo bưp laih hơdôm khul mă bruă ƀơi bah amăng guai dêh čar Jar kơmar Mộc Bài; nao pơhmư̆ jơlan hơdră gum hrŏm hơbit khul ling tơhan hăng mơnuih ƀôn sang čơkă mơ-ak hơdor glăi 65 thun hrơi phiăn juăt ling tơhan pơgang guai dêh čar (3/3/1959 – 3/3/2024); ƀơk gơnam tam kơ 100 bôh sang anô̆ ƀun rin, sang anô̆ tơnap tap kual guai dêh čar mơ̆ng tơring glông Bến Cầu, Tây Ninh.
Amăng mông pơbưp hăng khul tơhan, Khua git gai wai lăng pơ ala mơnuih ƀôn sang Vương Đình Huệ čang rơmang Grŭp wai lăng, khul ling tơhan pơgang guai dêh čar wai lăng klă kual bah amăng guai dêh čar Mộc Bài; hrŏm hăng gơyut pơjing jơlan guai lŏn ia hơđong, rơnuk rơnua, giăng mah, gum hrŏm pơdah pran jua kiăng khăp kơplah wah Việt Nam hăng Kur lăi ha jăn, 3 bôh dêh čar Việt Nam - Lao - Kur lăi hrŏm.
Prăp lui kơ Tết tui phiăn juăt djuai ania giăm či truh, Khua git gai wai lăng pơ ala mơnuih ƀôn sang čang rơmang tơring glông ngă tui djơ̆ tơlơi črâo ba mơ̆ng Grŭp git gai Ping gah pơphun bơwih brơi Tết kơ neh wa tui pran jua “Hlơi leng kơ hmâo Tết”./.
Viết bình luận