Hăng anăn phun mơ̆ng Jơnum lĕ: “Kơtưn bruă mă mơ̆ng Khua pơ ala mơnuih ƀôn sang amăng bruă pơtrut gum hrŏm abih bang kơplah wah Kur, Lao, Việt Nam”. Pơkă hlâo, grŭp khua pơ ala Khul pơ ala mơnuih ƀôn sang dêh čar Việt Nam amra hmâo hơdôm bruă mă amăng mông jơnum kah hăng: Khua git gai wai lăng pơ ala mơnuih ƀôn sang dêh čar ta Vương Đình Huệ hmâo tơlơi pơhiăp yôm phăn amăng mông jơnum abih bang hăng ngă Lơphet pơjưh; hơdôm tơlơi lăi pơdah mơ̆ng hơdôm Jơnum pơtom hiăp, Bơwih ƀong, Pơgang lŏn ia hăng Rơnuk rơnua ƀơi mông jơnum hơdôm Jơnum min; hơdôm tơlơi čih gum lăi mơ̆ng hơdôm Ding jum, gơnong bruă bơdjơ̆ nao; khua pơ ala hơdôm tơring čar gah kual čơlah 3 pơđĭ kyar mơ̆ng Việt Nam kah hăng Kon Tum, Dak Lak, Dak Nông, Bình Phước, Gia Lai.

Hrŏm hăng anun, dô̆ lu tơlơi gum pơhiăp gum hrŏm mơ̆ng ƀing khua pơ ala mơnuih ƀôn sang, khua pơ ala hơdôm ding jum, gơnong bruă gum hrŏm jơnum. Lơ 4/12, Khua git gai wai lăng pơ ala mơnuih ƀôn sang dêh čar ta Vương Đình Huệ hmâo bơkơtuai laih hăng Khua git gai wai lăng pơ ala mơnuih ƀôn sang dêh čar Lao Saysomphone Phomvihane./.