Khua git gai wai lăng pơ ala mơnuih ƀôn sang dêh čar ta Vương Đình Huệ pơtŏng sit, amăng jơlan pơtom hiăp mơ̆ng pô, Việt Nam lăng yôm biă hăng đing nao hlâo pơđĭ kyar tơlơi rô nao rai hăng dêh čar Đức, lŏn ia ba jơlan hlâo ƀơi kual Mi Kô̆ hăng ƀơi rŏng lŏn tơnah; kiăng dơlăm na nao bruă gum hrŏm khom ngă hăng Đức amăng abih bang glông bruă Ping gah, Khua pơ ala mơnuih ƀôn sang, Gong gai dêh čar hăng bơkơtuai mơnuih ƀôn sang.

Amăng mông rôk ruai, dua gơñu pơsit yôm bôh than gum hrŏm prong prin, abih bang dưi hmâo amăng giăm truh 50 thun gum hrŏm ăt kah hăng amăng rơbêh kơ 10 thun dua bôh dêh čar pơđĭ tui tơlơi rô nao rai gum hrŏm khom ngă. Khua git gai wai lăng pơ ala mơnuih ƀôn sang dêh čar ta rơkâo, Khua pơ ala mơnuih ƀôn sang dua bôh dêh čar kơtưn gum hrŏm kiăo tui hăng pơtrut ngă tui hơdôm Tơlơi pơkôl gum hrŏm mơ̆ Gong gai dua bôh dêh čar hmâo kĭ pơkôl, hơdôm rơwang bruă gum hrŏm khom ngă./.