Khua git gai wai lăng pơ ala mơnuih ƀôn sang dêh čar ta Vương Đình Huệ pơdah pran jua mơ-ak čơkă Kơ-iăng Khua git gai wai lăng pơ ala mơnuih ƀôn sang dêh čar Lao ƀơi Việt Nam, tuai dêh čar tač rơngiao blung a rai čuă mă bruă hăng Khua pơ ala mơnuih ƀôn sang dêh čar Việt Nam dong mơ̆ng akô̆ thun 2024 mơtăm; lăi rơđah tơlơi rô nao rai dua Ping gah, dua kơnuk kơna hăng mơnuih ƀôn sang dua bôh dêh čar glăk pơđĭ kyar klă hiam.

Khua git gai wai lăng pơ ala mơnuih ƀôn sang dêh čar ta pơdah pran jua đăo kơnang bruă bơkơtuai kơplah wah Kơ-iăng Khua git gai wai lăng pơ ala mơnuih ƀôn sang dêh čar Lao hăng Kơ-iăng Khua git gai wai lăng pơ ala mơnuih ƀôn sang dêh čar Việt Nam Nguyễn Khắc Định hăng hơdôm bruă mă hăng Anom bruă Khua pơ ala mơnuih ƀôn sang, Anom kơsem min pơjing tơlơi phiăn amra ba glăi bôh tơhnal hăng hơdôm bôh yôm sit nik, djơ̆ tui tơlơi kiăng kơ mă bruă mơ̆ng Grŭp./.