Amăng mông bơkơtuai, Khua git gai wai lăng pơ ala mơnuih ƀôn sang dêh čar Vương Đình Huệ pơtŏng sit, Việt Nam lăng yôm hăng čang rơmang đĭ tui pran đăo gơnang hăng ngă dơlăm hloh dong tơlơi rô nao rai gum hrŏm khom ngă kơplah wah dua bôh dêh čar; hrŏm hăng anun gir run anăp nao pơđĭ tui tơlơi rô nao rai pơ̆ anăp anai. Dua gơñu tŭ ư hrŏm bơkơtuai nao rai gah grŭp gưl dlông hăng hơdôm gưl, pok pơhai ba glăi bôh tơhnal hơdôm hơdră gum hrŏm kơplah wah dua bôh dêh čar.

Lăi pơthâo nao rai hơdôm bôh yôm gum hrŏm bruă khua pơ ala mơnuih ƀôn sang, dua gơñu tŭ ư hrŏm kơtưn hloh dong gum hrŏm kơplah wah ƀirô khua pơ ala mơnuih ƀôn sang dua bôh dêh čar; lăi pơthâo nao rai tơlơi pơhing, lăi pơthâo tơlơi găn rơgao, ngă tui bruă mơ̆ng Grŭp Khua pơ ala mơnuih ƀôn sang giăng mah dua bôh dêh čar; gum hrŏm, dŏng yua tơdruă amăng hơdôm mông bơkơtuai bruă khua pơ ala mơnuih ƀôn sang lu bơnah, gum hrŏm djă pioh gum hrŏm hơbit hăng bruă phun mơ̆ng ASEAN, biă ñu amăng hơdôm tơlơi ƀơi kual kah hăng tơlơi Ia Rơsĭ Ngŏ, Myanmar./.