Anai lĕ Khul pơ ala blung a mơng AIPA dưi pơphun tui hơdră ƀơi anăp tơdơi rơbêh kơ 2 thun klin Covid-19.

Khul pơ ala AIPA – 43 đing nao bơkơtuai hơdôm tơlơi: Rơnuk rơnua, hơđong, kơnuk kơna lu bơnah hăng bruă phun mơng ASEAN; Kơtưn pơtom hiăp khua pơ ala mơnuih ƀôn sang kơ tơlơi hơđong ƀơi jơlan ia rơsĭ, pơtrut hơđong kual ƀơi Đông Nam Á; Pơtrut gum hrom bruă khua pơ ala mơnuih ƀôn sang yua kơ tơlơi pơđĭ kyar abih bang hăng kơjăp hluai tui hơdră ngă juăt tŭ mă hơdôm tơhnal pơkă kơ rơhuông adai, mơnuih mơnam hăng wai lăng; Pơđĭ tui bôh thâo kơ anom bơwih ƀong anet aneo, anet hăng găp ƀrô amăng pơplih mrô măi mok hăng pơtrut tuai čuă ngui, hơkrŭ bơwih ƀong; Kơtưn pơplih mrô pioh pơgang mơnuih mơnam abih bang; Kơtưn pơgang tơlơi suaih pral mơnuih mơnam kiăng pơsir hơdôm tơlơi lông amăng ASEAN; Dưm kơnar hăng jao tơlơi dưi kơ đah kơmơi yua kơ tơlơi hơkrŭ glăi kơjăp phik, abih bang hăng gơgrong pô tơdơi kơ Covid-19 ngă: Pơđĭ tui bruă mă mơng đah kơmơi ngă khua pơ ala mơnuih ƀôn sang amăng pơtrut kơtang jơlan hơdră bruă mă gah đah kơmơi, rơnuk rơnua hăng hơđong; Ngă tui tơlơi gum hrom mơng hlăk ai yua kơ sa khul ASEAN pơdrong asah hăng pơđĭ kyar kơjăp phik./.